出走‧空中‧漫遊

食早餐去邊度好? 茶記? McD? 定係Brunch club好?

我話去Judhpur既Umaid Bhawan Palace最好!

早排帶media fam走了一趟印度既Blue city - Jodhpur久德浦爾。托公司既洪福，有幸入住Taj group既超豪palace hotel - Umaid Bhawan Palace

Quote一段mook既簡介你就知佢有幾豪:

Umaid Bhawan Palace是印度皇室後期興建最重要的皇宮，同時也是世界上最大的私人住宅之一，座落於花草茂盛的26英畝花園之中。外觀雄偉又霸氣的Umaid Bhawan Palace，是久德布室家庭的主要住宅，其名來自於久德布王公烏麥‧辛格（Maharaja Umaid Singh），由英籍建築師Henry Lanchester所設計，歷經15年時間，於1943年完成，可說是當時最流行的幾何及流線為特色的藝術裝飾風格建築。

擁有347間房間的皇宮，混合了東方和西方的建築風格。舉例來說，105英呎高的圓屋頂建築，是受到文藝復興時期風格影響的成果，而皇宮的高塔則是來自拉吉普特民族（Rajput）建築的靈感。至於皇宮內部華麗的鑲金家具和優雅的設計走的是裝飾藝術風格，同時由自我放逐的波蘭藝術家Stefan Norblin的異國風格壁畫來彰顯其內部裝飾。

其實spec. 呢，就唔係最緊要，最重要就係我呢個平民女子都可以一嚐皇室生活，與工作於極大娛樂。就睇我地食早餐既地方，面向一大片草園，遠處有個疑似巴特農神殿，迎面而來係清爽既印度季候風，仲有二人組合live既印度洋琴既聲音，你夠早走身既話，仲可以見孔雀晨運兼開屏。一邊食Indian breakfast或是continental breakfast，一邊欣賞皇室尊貴靚景既時候，諗起呀印度王子都係同住一「宮」，真係好有衝動掉左我個passport，等我可以一直滯留0係皇宮……

只不過，我最終都冇放棄我香港既家人朋友。

而0係呢一刻，身處公司同今個星期launch既campaigns搏鬥緊，連日都係食外賣仔既時候，我不知幾咁後悔當日冇當機立斷，破釜沈舟……

Anyways.

要去搵印度王子，即刻book房啦: Umaid Bhawan Palace