Posted on 2008/12/19.
上年約9月已提及，今年復活節提議去詩巴丹島，這個係我第一個潛水旅行的地方，上次去個時好多生物都唔係見到咁多，如鐵頭及海狼，只係見到幾條。所以潛水朋友提及，都打算重溫舊地。可惜復活節果然係世界性o既長假，早於10月已全部爆滿，只有SeaVentures有房，猶豫咗一輪，都係決定去。 我們一行16人，有好多新朋友，成班潛水友柴娃娃很是開心。我們於3月16日出發，於下午3時多啟航往馬來西亞阿庇，再轉機往斗湖，即乘大巴士往仙本那，但可惜於中途壞車，等了約45分鐘終於有車嚟接我地。到達仙本那酒店後，除咗我其他團友都去食宵夜。 機場大合照 仙本那碼頭旁之酒店 今次之零食 唔知係咪對SeaVentures無乜期望，又覺得佢無想像中咁差，食物很好味，我相信大家最懷念必定係佢既湯。地方都算寬敞，可能係之前住開船o既關係，唯一係房間比較偏高，要行到4樓，拎住相機確係頗吃力。 Sun Deck位置，亦都係我地曬gear及最後一晚BBQ的地方。 主要食飯及Hea地方，對上一層有Game Room及卡拉ok房添。 Dive Centre 他的外貌 除此之外，這裡有wifi上網，做就我有個新名 – 電車女
Read Full Post |
Make a Comment ( 2 so far )
Posted on 2008/12/05.
第七日(9月18日星期四)，因我地於星期五凌晨乘機回奧克蘭的關係，今日無得下潛，原先只安排下午觀鯨，大家認為咁遠嚟到，就改為全日觀鯨。幸運地，全日我地影到5條座頭鯨(有啲見到搵唔到)，算係一個完滿的結束。之前除第一天有些少陽光外，今日係咁多日之中最好天的一天，所以影出嚟o既相有少少耶穌光。 潛水車及橡皮艇 Alofi碼頭 我們住的Matavai Resort已經係Niue最豪華o既住宿，佢有泳池，但我地無享用過。 房間 洗手間 其中一幢外貌 回到resort，我地又踩單車去食雪糕，再返回resort沖涼。食完晚餐及執拾行李之後，小睡片刻，於星期五凌晨約一點前往機場，到達奧克蘭為星期六早上六點幾，我地需出境，再到國泰counter check-in。呢一程我地又為咗行李重量攪到頭痛，我就拎埋所有hand carry行開一邊，待佢地check-in行李o既時候，有一個地勤走埋嚟問我係咪hand carry，我話係，佢話連hand carry都要磅，每件hand carry唔可以過7磅，我地話我地個啲係電腦及相機用品，佢話呢兩樣可以豁免，叫我俾佢睇及拎哂呢啲嘢出嚟再磅過，總之過咗就要罰錢，連埋check-in行李一次過罰錢。我地話喺香港嚟都唔駛磅hand carry，點解同一個公司有唔同o既規則，我地想同supervisor傾下，佢就話supervisor同我講o既嘢會係一樣，完全唔helpful。拖拖拉拉咗一輪之後，supervisor搵到一個識講廣東話o既同我地傾，佢nice好多，話俾番香港俾o既allowance我地，所以我地都係有罰錢 – 紐元170，同香港罰o既金額差唔多。 年頭去Raja Ampat搭國泰，及今次去奧克蘭再搭國泰之後，令我地幾個再去潛水首選一定唔會再揀國泰(國泰對潛水儀器係無額外行李allowance)，要每一次都浪費時間及罰錢，寧願俾貴些少坐其他航空公司好過。
Read Full Post |
Make a Comment ( None so far )
