Galapagos前篇之一
12月26日Boxing Day係搭機日，我地一行12人，坐UA經Chicago到達Miami。到達Chicago為當地時間早上11點多，需於機場等約6個鐘才有機轉去Miami，Chicago當日氣溫為1度，但機場出面佈滿一堆堆的雪，大家都好興奮咁走出去影相。 我地到達為Terminal 5，轉機去Miami為Terminal 1。要多謝joe幫我地消磨一些時間，應該話多謝佢兩支350及佢o既“拉登頭髮”，於過海關時俾人誤以為係炸彈，最高峰時有8個人同時間搜查佢o既物品。 過完海關後，我地去咗一間餐廳坐低咗，食下嘢，大部份人間唔中就出去wuwuwu。 到差唔多下午5點，我地去到閘口等機，一路聽到左右隔離啲機唔係cancel就係delay，初時大家都好擔心我地班機會唔會都係一樣，後尾終於見到有機埋閘，大家終可抹一額汗。差唔多11點幾到達Miami，落機行緊出去閘口時，某人繼Where is my Pelican & Boarding Pass後，又嚟一個新項目 – 就係Where is my Eel Bag，幸好發現得早，即刻返機艙拎番(梗係瞓覺瞓到乜都唔記得)。入境後，等行李等咗好耐，好唔好彩，我同Sandy各人唔見咗一件行李，仲要所有更換衣物喺哂個度，今晚注定要做鹹魚，我好彩有阿笨相助，有件衫更換。 不得不提，Miami機場好似好新及先進，但啲指示非常之差，完全唔知我地Hotel Shuttle等候的地方，要團友打電話去問酒店至知。所以又攪咗一輪至搭到shuttle到酒店。 第二朝(12月27日)瞓醒覺，大家到酒店對面餐廳食早餐，因為酒店唔包早餐及要成15蚊美金一個人。 Airport Regency Hotel in Miami 食完早餐後，我地拎哂啲行李check-out，每件行李寄存費用為美金一大元。經酒店安排一架車到達Miami South Beach，首先去有好多舊式建築物的Espanola Way，再經Ocean Dr出Miami South Beach，大家不停地打雀及搵靚model。 Espanola Way Miami Beach旁的建築物 打雀 沙灘上的靚Model 午餐到當地出名的Joe’s Stone Crab Restaurant，雖然每人有兩隻蟹鉗食，但有幾個蟹痴覺得勁之唔夠喉。 午餐後，坐酒店安排的車回酒店，再到達機場。我同Sandy即時到UA office，睇下我地o既行李搵唔搵得番，好好彩我地終於可以“鹹魚翻生”。我地坐AA到厄瓜多爾首都Quito(基多)，到達時間約為10點多，今次輪到7爺要做鹹魚，唔見咗個喼。由一早預定o既車接我地到酒店。
Read Full Post | Make a Comment ( None so far )
