Posted on 2009/05/22.
1月9日於Orlando，我地12個人分成3批，第一批去Disney Hollywood Studio，第二批去Kennedy Space Center，至於我地第3批去Universal Studio。最初我係諗住去Sea World，因為我約8年前已去過Disney World及Universal Studio，但無乜人想去，所以無去到喇！後來諗住去Kennedy Space Center，但我驚係博物館形式而悶親我，所以我揀咗再去Universal Studio。Universal Studio的票價變哂，本身入場券係唔包Express Pass，要另外購買，當我地諗住淨係去Universal Studio時，職員話1日2個parks都只係多約10蚊美金，但問佢1日玩唔玩得哂兩個parks時，佢話我地有Express Pass絕對無問題。首先我地去Universal Studio個邊玩先，第一項玩Men in Black，呢一項係我8年前嚟o既新項目。 接著玩就係新的Simpson Ride，呢一個之前應該係回到未來改裝而成，幾好玩。 之後，再玩幾個重點games，當中以Mummy 及Teminator 2最好玩，約於下午3點離開前往Island of Adventure。 於天空賣廣告？ 到Island of Adventure一定要玩Siperman 及 Jurassic Park，整日我地用Express Pass的關係，竟然可以玩到14個games，相信都係咁耐嚟講，玩park可以可到咁多項目。 被豆粉及Joe形容上咗賊船o既Dudley Do-Right’s Ripsaw Falls，玩完大家一身濕哂！ 夜晚的Citywalk 晚餐我地於City Walk一間食美國Grill的餐廳。 [...]
Read Full Post |
Make a Comment ( None so far )
Posted on 2009/05/08.
今日( 1月7日 )終於離開厄瓜多爾，回到美國Miami，我地又再分開 兩groups，頭一批係早上7點幾機，我地其餘5個就乘坐原先9點幾變為10點幾機往Miami。幸好一切順利，約下午兩點幾出到機場與早到的團友匯合。不過租車個度好多人，輪候及攪手續用咗好多時間，約4點幾至由Miami出發前往Crystal River。原先諗住922o既車帶頭，寶玲排第二，我地o既車就最後，去到某一個路口頭兩架車都轉咗右去Miami Beach，我地個架照GPS指示繼續前進。透過電話及SMS的聯絡，於中途站撞番922佢地，因笨的手機無電，無停留繼續前行，但又去到另一中途見到佢地。去到Crystal River酒店已經係十點幾，各人趕快執嘢瞓覺準備明天o既Manatees Tour。 今朝( 1月8日 )晨早6點15分需到Dive Shop等候，各人於出發時都很淆底，因為陸上氣溫確實非常凍，各人均擔心水底溫度會係幾多。到達Dive Shop後，已見到其他客人準備著wetsuit，大家仍然考慮是否下水，幸好問到水溫約22度時，大家放下心頭大石，著wetsuit出發。我們12人自己一艘船，由一個伯伯作為船長帶我地去睇Manatees，由於水溫約22度，陸地氣溫得7度左右，水面發出水蒸氣般的景象。 沿途都見到好多Manatees游過，到了一個小灣停下，各人急不及待下水，水溫確實很暖，而且Manatees原來很好奇及八掛，會主動游過嚟與我地打招呼，亦都非常喜歡人摸佢，因為當我地一摸佢o既同時，佢會閉上眼好像很lum的樣子。最得意係瞓緊覺o既Manatees，佢地會合上眼睛，伏在沙地上瞓覺，每隔一段時間就會上水面透氣，但佢o既動作好似夢遊咁。 加插Video一段 http://www.youtube.com/watch?v=uMzBA0H3Rd4 Tour約於11時結束，之後大家於Dive Shop進行瘋狂式購物後，回酒店沖過身執嘢，繼續揸車到Orlando。到達Orlando酒店，放下行李後去還車，之後到達Prime Outlet購物，大部人都於這裡購物，甚至乎有幾個團友唔夠時間購物而無一齊食晚餐添！但呢一餐晚餐相信係喺美國最好食o既一餐，最懷念啲ribs及肉眼扒。
Read Full Post |
Make a Comment ( 1 so far )
