先苦後甜馬代行 Part I
聖誕節個輪去咗馬代頭尾共9日，19號出發，點知去到先至知班機喺吉隆坡仍未起飛，話係technical problem，原先兩點幾起飛，個一刻都話唔到幾多點可以起飛到。雖然佢送咗啲voucher俾我地去食嘢，但都想佢快啲安排到我地飛去吉隆坡，因為我地仲要駁8點機去Male。
食完嘢，佢一路話未confirm到幾時飛，話試下叫吉隆坡個邊delay起飛去Male個班機。我地有部份人去咗東薈城行街，部份人喺番酒樓個度hea，大部份人去咗T2個邊玩遊戲機。其中有一部機係跳大繩，實玲施展佢嘅絕技，3次試都係1下都跳唔到，真係笑到個個肚痛兼流眼水。5點左右去counter再問，點知負責開個位姐姐乜都無交帶就放工，頓時每位團友都好嬲，唔一路追就無咗聲氣。無端端要延遲我地一日到Male，第一晚要喺吉隆坡瞓一晚，第二日乘機往新加坡再轉機到Male。
第二晚終於順利到達Male，上船瞓一晚，第三日真真正正可以開始潛，我地成班人嘅攝影器材真係嚇死人。
第一日個個都遊魂，包括我都係。當我見到mmj做手勢俾我睇個時，我仲以為係海牛，點解個個wide angle都落去個洞係咁影呢，原來係有一群龍蝦。
Manta Point見唔到manta，不過我相信係我地呢個行程之中，算水清及有陽光的一個dive。無乜特別，好行咁影咗例牌菜。
第二個dive俾DM老點，佢好肯定咁話係macro，既然講得咁肯定，無理由唔換架！點知一落水，幾位buddies就一齊喺水底指住啲魚群，大聲講呢啲叫macro……(不過咁樣都係我唯一一個dive影macro嘅)，呢一個dive site(Kudauaa)可以話係咁多個dive site最多魚群的一個。Macro局限，唯有係咁影海葵魚。
第三個dive準備落水之際，船上突然冒出黑煙， DM即時講呢個dive要取消，我地成班人都覺得 – 唔係真係黑得咁緊要呀！
