詩米蘭潛潛之旅 Part I
曾於2007年2月中嚟詩米蘭潛過，個時已覺得呢度啲軟珊瑚好靚，兼且個時有啲出名Dive Site無去到，之前諗緊新年有邊度啱去潛水，就醒起再嚟多次喇！由專業潛水團長k生負責問番2007年住過嘅船，召集各潛水朋友，最後18人包船的潛潛之旅。 大部份人於年初一出發，一早過到布吉飲飲食食及按摩，只有3個人 – joe、加波及我於年初二出發，個日無直航機，需於曼谷轉機，我地喺機場check-in後，去咗飲茶，約晚上七點幾到達，之後直接搭車出碼頭，其他人已喺船上面。執好嘢食過晚飯就瞓，當晚船會駛去詩米蘭，今次住喺地庫個層，雖然嘈嘈地，但都瞓得到，間唔中醒下啦！ 第一個dive site係East of Eden，今日嘅dive site，3年前係無去過，亦都係去Similan應該要去嘅dive site，可惜人好多，影唔到乜嘢相，反而係臨上水前一刻啲coral reef好靚。 今次同上次唔同就係喺潛與潛中間會上岸玩下 第二個dive site係Anita’s Reef，同第一個dive一樣都係人山人海，最吸引係一群群Glassfishes。 第三個dive site係West of Eden，Briefing個時已經話有Frogfish，例牌咁埋去影一影啦！ 大量大大塊Seafan joetsm水底跑步 夜晚係影macro的時候，klee搵到微型Headshield Slug。 另外搵到Sap Sucking Slug，見到哂兩隻眼仔。
Read Full Post | Make a Comment ( None so far )
