幸子の親子遊記» 2008 六月

那須の秘湯世外桃源 2

Filed under: 日本 — petitgarden at 09:07 on 2008/06/24

四季せせらぎの湯宿　星のあかり

那須高原是日本著名的溫泉鄉, 木屋旅館錯落在樹林之中, 散發著一股濃濃的鄉土氣息。

在網上睇左唔少介紹溫泉旅館的日本網站, 目標係"展望露天風呂附客室", 即係在房間有私人的露天靚景溫泉!!~ 搵黎搵去, 最終搵到呢間"星のあかり", 睇埋網頁的介紹, 即刻訂位, 仲指明要求最有日本風味的房間.

以溫泉旅館來說, 規模都算頗大~ 在傳統的日式裝潢擺設下, 又帶有點點西化風味~ check-in之後, 我地就各自揀左一套日式浴袍喇~

房間的一角. 簡單的和式style, 另一邊的衣櫃和被鋪櫃等以淡綠色的和紙設計. 客廳外另有獨立的洗手間. 感覺非常簇新而乾淨~

一邊享受地浸泡天然溫泉, 一邊欣賞那須岳和關東平原的景色.

和風岩溫泉係我特別request的, 真係好好好舒服啊~ 外面係一片森林, 即使打開竹簾都無問題~

在網上預約的過程中, 得知該旅館第一次接侍外國遊客, 大家都好興奮. 未出發前, 員工亦很細心地為我解答很多問題, 以及安排活動.

酒店的招呼十分體貼細心, 環境好乾淨整潔~

浸完溫泉, 休息夠, 就去餐廳食晚飯喇!~ 每張抬的四周都會落簾, 私隱度相當高, 幸子終於可以盡情影相~ hehe~ 右下角係"御品書", 詳列當晚"懷石料理"的菜餚~

就連普通的日式蒸蛋都做得一絲不苛~

一人一鍋的黑豚肉shabu shabu, 美味~

賣相精緻, 連碗碟和擺設都甚講究, 味道亦唔錯架!~

小Aimee的兒童餐都好豐富呢~

食飽飽, 姐姐就入黎幫我地擺好被鋪, 要訓覺喇!~

右上角的小卷係"宵夜", 以防我地半夜肚餓, 好細心呢!~ 至於早餐亦很豐富, 賣相精緻~

朝早起身浸多一次溫泉, 就預備走喇~~ 呢度實在太舒服, 好唔捨得呢~

"隱世秘湯"後記: 離開"那須ハートランド"之後, 我地乘巴士抵達"新那須駅", 酒店員工就駕車來迎接. 越過森林中迀迥曲折的小徑, 沿途盡是參天大樹, 沒多久就到達"星のあかり". 酒店的員工非常之殷勤的招待, 仲不厭其煩地為我地計劃景點的參觀時間, 查詢回程的新幹線時刻表等等. 即使係安排膳食, 被鋪等都做得細心妥善. 就連第2朝起床後都派人駕車載我地去"霜季湖牧場"呢!!

雖然並非什麼集團式的頂級大酒店, 菜餚也不是標榜最高級的食材, 但對於酒店的環境, 設施, 服務和整體印象, 我會比滿分!!!!

せせらぎの湯宿　星のあかり:p://www.hoshinoakari.jp/栃木県那須町湯元206-1120

りんどう湖ファミリー牧場

りんどう湖ファミリー牧場 (霜季湖牧場), 顧名思義有個泊滿小船的大型湖泊, 集遊樂場和牧場於一身, 既可以玩盡各種機動玩意, 又可以親親大自然和小動物, 親子遊一流~

那須出名牛奶, 用牛奶做的雪糕香又滑, 小Aimee至愛~

在那須2日一夜的行程實在比想像中更好玩又開心, 仲影左好多好多相添~ 就係因為咁, 本來諗住咁短的行程, 唔洗帶咁多野, 所以將相機的charger留在東京. 直至到達霜季湖牧場段, 先發現電力已經用得七七八八喇….. 所以開始要好好珍惜咁影相, 但影影下真係無電… 攪到好多好靚又得意的東西都影唔到…..

小Aimee玩左好多遊戲, 最鐘意就係呢架"熊貓車", 好可愛; 仲有果個超大型的吹氣滑梯, D小朋友個個都爭住玩~

牧場有大馬小馬, 可以親子一齊騎一匹大馬. 本來小Aimee唔敢騎, 但見D小朋友爭住排隊騎馬仔, 佢又唔執輸要去騎, 仲話好好玩添~~

小Aimee好興奮咁去排隊榨牛奶, 到佢果時又唔敢榨, 要我陪住一齊榨, 其實媽咪個心都有D驚, 軟軟的有D核突… hehe..

在牧場餵馬匹食紅蘿蔔, 小Aimee又要驚又要餵, 可惜相機無電影唔到相啊~ 另外, 有好多特別for小朋友的機動遊戲都幾好玩, Thomas火車的遊戲都有好幾款, 仲有小型賽車和playgound等等, 我地仲一試踩"竹馬" (即"大雄"玩得好叻果種呢~) , 原來唔係想像中咁易架~ hehe..