以荷李活影城為主題, 除左各樣機動遊戲, 例如岩晒大人的刺激玩意如Tower of Terror (跳樓機), Movie Ride搖滾過山車等等, 仲有小朋友最鐘意的玩意 & playground, 加埋多個大型真人show, behing the scenes等, 岩晒合家歡之餘, 年青朋友仔亦絕對唔怕悶親!

Musical的Beauty & the Beast, the Voyage of little mermaid, 浪漫又精彩, 係小Aimee至愛呢! (之前淡季無咁多人, 試過連續不停睇mermaid5次呀!) ; 又有Playhouse Disney, 小朋友可以又睇又跳! 至於真人show有 ‘Indiana Jones‘ , ‘Lights, Camera, Action‘, 動作火爆刺激! 仲有’Backlot Tour‘, 帶你親身體驗睇多場幕後特技如爆炸火災, 勁!

夜晚的Fantasmic, 係絕頂的精彩, 包你拍爛手掌!!! 在湖上的巨大假山舞台上180度的大型匯演, 配上水幕動畫, 集激光, 舞蹈, 大型煙花等於一身, 仲有湖上載滿Disney characters的輪船, 變魔法的Micky, 噴火巨龍……….. 每次都爆滿呢! (tips: 於MGM的指定餐廳享用dinner, 可獲此show的優先座位)

(3) Epcot

EPCOT共分兩部份, 其一是Future World, 集科技互動和世界自然為主的玩樂區. 特別推薦上年新推出的遊戲’SOARIN‘—體驗坐上滑翔機飛越美國多個迷人風景區, 沖上雲屑, 感覺勁正! 仲有就係Living with the Land, 坐著小船穿過一幕幕大自然生熊之旅, 到達Disney的大型溫室, 可見Micky形狀的南瓜和各種花果, 大開眼界! 仲有刺激的Mission Space模擬上太空, Test Track火辣試跑車等等, 幸子都大力推薦呢!

除左美人魚之外, 小Aimee最鐘意就係NEMO & FRIENDS. 黎EPCOT首先要去的就係THE SEAS, 包括有以NEMO為主題的貝殼clamobile rides, 欣賞Finding Nemo的一幕幕片段. 仲有大型的水族館, 互動的Turtle talk以及小手工等等, 喜歡魚魚的幸子都好鐘意呢度呀.

另一邊則是世界縮影 World of Showcase, 包括英國, 加拿大, 法國, 意大利, 德國, 中國, 日本, 墨西哥, 犘洛哥等國家, 集合各國特色建築, 美食文化, 表演和機動遊戲, 輕鬆悠閒環遊世界! 夜晚的煙花匯演IllumiNations以地球為主題, 在湖中升起一個閃閃發光的地球, 配合音樂, 激光, 大型煙花, 又係另一種享受!

(4) Ainmal Kingdom

‘Its not a zoo, its a jungle‘係呢度既口號! 一入場, satff都會同你講句’Have a WILD day!’ 係呀, 呢度唔係一般的動物園, 而係集多項attractions於一身的JUNGLE! 呢度的標誌就係一棵好大好大的人工樹—–樹上刻滿各種各類的動物, 樹底下就係’It’s Tough to be a Bug’, 一套好可愛又有少少驚嚇的3D電影.

最吸引的當然係Kilimanjaro Safari啦! 坐上越野車, 穿過偌大的森林, 無際的草原, 水窪瀑布…… 路上盡見各種大大小小的動物, 全部聯群結黨, 河馬啦, 紅鶴啦, 犀牛啦, 長頸鹿啦, 大象小象啦, 獅子啦等等等等! 車長與遊客扮演追蹤非法捕獵者, 宣傳保護動物的訊息.

呢度亦有好多機動遊戲, 最新的係上年落成的Expedition Everest雪山過山車, 行到中途遇上雪怪而斷橋, 全車突然倒後行, 實在刺激! 仲有恐龍ride Dinosaur, Kali River激流等, 都適合愛刺激的朋友仔!

小朋友都一定鐘意Dinoland, 大大個遊樂場啊! 小Aimee亦好喜歡小動物, 除左大猩猩habitat, 水族館等等, 仲有介紹各種昆蟲的展示箱和保護動物的展覽, 又可以親親小動物呢!

下午有Mickey’s Jammie’ Jungle Parade巡遊, 表演show亦以動物為主題, 例如以可愛小動物為拍檔的Pocahontas & forest friends, 香港迪士尼沿用的Lion King等. 依家HIT爆的就係最新的NEMO MUSICAL!! 上年年尾我地睇過預演SHOW, 今次正式公演, 大同小異, 同樣令人興奮喝采!! (如果你睇過Finding Nemo, 就會知道呢套musical做得好全神呢!)

Water Park: (5) Typhoon Lagoon 6) Blizzard Beach

兩個水上樂園各有特色, 而且好大好大!!~~~ (因為部相機無防水功能, 所以我只係影左少少相咋 )

天氣實在太太太熱, 所以我地都係下午四五點過後先黎玩水! 你以前有無去過香港海洋公園的水上樂園呀? 記得細個勁鐘意玩架! 而呢2個Water parks比香港果個大得多亦更厲害~~

Typhoon Lagoon以風暴為主題, 焦點就係大大的沖浪池, 即係好似以前海洋公園果個咁, 每隔數十秒就掀起大浪, 呢度的浪好勁好猛, 好多人在深水處滑浪(亦有滑浪班提供) , 企o係淺水區亦會被大浪沖到頭仰馬翻呢! 當然仲有好多各式各樣的rides, 要數最特色的, 我覺得係Shark Reef 鯊魚池吧, 免費提供工具比遊客潛水入去同鯊魚和多達數千條的魚魚同游呢!

至於Blizzard Beach就以冰天雪地的Ski resort以為主題. 最大特色當然就係十足十登上雪山的吊車, 同埋高高的雪山. 唔同的係, 大家唔洗著雪褸雪橇, 個個著晒泳衣褲, 而雪山就係各種長短滑梯的起點, 包括仲長過’五彩天梯’好多的summit plummet……

* 仲有2篇, 想唔想睇埋呀? 係時侯要叫醒佢地去食早餐喇, 我會再update的! CU~

TO BE CONTINUED….. 待續…….

畢竟係世界上最大的Disney , 加上呢個City of Vacation多不勝數的Attractions, 真係玩到唔捨得走呀!~

2007年夏天, 係3歲半的小Aimee第5次去Orlando的Disney World喇!~

今次唔係影好多相, 要影的以前都影過了.

為左就小Aimee的長假期, 第一次同佢暑假遠征Orlando!~ 七八月份的天氣實在太熱太熱(晒到變左3舊炭屎~~)…. 唯一一個好處就係D park比淡季的開放時間更長, 當然人潮亦迫爆, 世界各地洶湧而來的遊客絡繹不絕, 亦証明呢個’迪士尼世界’的過人之處!

點玩法呀? 6個parks喎! 我地黎Orlando Disney的玩法同其他國家的有D分別: 朝早起身去Disney玩, lunch時間就楂車出去’搵食’; 行下shopping mall/outlet, 又去另一個park玩 (或者四五點後去水上樂園/留在酒店玩) , 又楂車出去食dinner, 夜晚再去另一個park玩! 話咁快又一日, 眨下眼又2 weeks喇~ (Tips: ANNUAL PASS holder可以隨意進出唔同parks, 亦有多樣優惠, 例如任玩Disney Quest)

佛羅理達洲 Orlando Disney World 共分有4個主題樂園, 2個水上樂園(1) Magic Kingdom

Magic Kingdom可以話係其他Disneyland的藍本, 以Castle為標誌. (好可惜香港Disneyland係最細果個, 去過四五次, 玩左幾個鐘就悶到走人~ ) 呢個Magic Kingdom, 黎幾次都未必玩得晒!!~

小Aimee的1st ‘賣飛佛’就係小魚仙. 每次一到就飛奔去Grotto同Ariel影靚相, 再去Toontown同其他公主再影. (你睇, 小Aimee有唔同髮型&mermaid裝, 仲帶左一堆飾物去扮靚架! hehe) D公主猛同佢傾計, 又研究飾物, 又跳舞, tum到小Aimee開心到不得了!

Toontown係小Aimee最鐘意的地方, 有Micky & Minnie的可愛屋企, 除左Micky等住影相之外, 仲可以在Circus帳篷內同一班Disney公主/朋友仔影合照, 又有岩晒小朋友的過山車& playground等等.

小Aimee最鐘意的玩意, 包括Small World, Pooh Honey Pot Playground, Peter Pan, 阿拉丁飛毯等等. MK其實比較岩小朋友, 雖然亦有D好似The Haunted Mansion ,Splash Mountain等. 我同大pooh都係’陪太子讀書’ (應該係’陪公主嬉戲’)

MK不時有新攪作, 好多新鮮的活動! 今次有個’Princess & Pirate Party‘, 男孩子扮海盜, 女孩子扮公主, 由Disney朋友仔帶領玩盡成個Magic Kingdom, 拿住地圖去尋寶, 參加表演等等, 聽落都好吸引! (Aimee太細個, 唔放心佢自己一個去玩, 過多2年先啦)

差唔多每次黎都有新野. 今次MK的最新玩意係’Monsters, Inc. Laugh Floor‘, 攪笑show, 都幾funny. 對上一次新遊戲就係’Stitch’s Great Escape‘, 呢個幾得意架! 仲有個’Pirates of the Caribbean’, 加埋Captain Jack, 算係舊中有新啦!

除左Castle的大型Show (呢期係’Dream along with Micky’)之外, 下午有Parade, 夜晚亦有閃燈 ‘SpectroMagic’ Parade, 好精彩! 全日周圍又有唔同的activities, 例如激請大班遊客齊齊做啦啦隊, 又有Toystory人物玩遊戲等. 最緊要睇夜晚的煙花呀, 真係好勁—–時間一到, 就見閃閃發光的Tinkerbell從高大的castle飛出黎, 劃破黑夜的長空, castle上放出耀眼巨型煙花, Wow, 呢D先係真正的煙花show呀!!

 玩樂篇の"親子暢遊東京"

同小Aimee一齊去旅行,  無論行程plan得幾完美, 最終都難免臨時更改/刪減…..  有小朋友的一定明白, 帶埋佢地去旅行無得急無得趕,  朝早唔願起身啦, 玩玩下要訓覺啦…..etc,  唯有犧牲自己的shopping時間罷!~   不過, 最緊要都係小朋友happy, 咁就大家都開心啦!~  

今次介紹幾個o岩晒一家大細"親子遊"的景點比大家

  Kidzania"兒童王國"的商店和汽車等全部都係細碼"兒童版"~ 除左size之外, 基本上同真實世界的無咩分別 (只係特別cute~)

  呢個好似"童話世界"的小城市, 有超過80種以上的"工作"比小朋友參予. 救護員, 消防員, 雪糕店員, 電視拍攝隊, 電台DJ, 美容師, 漫畫家etc, 總之實有"工作"o岩小朋友做~  返完工仲可以賺錢添~   

   在廚窗可以睇到小朋友既興奮又落力地工作~  運輸, 果汁店, 急凍食品製造所, 時裝設計..  街道上仲不時有救傷車, 警車, 消防車, 維修車, 旅遊巴等穿梭往來, 連油站, 賽車跑道, 飛機都有~  

  未去日本前已上網叫小Aimee揀定想玩乜(因為知道會多人), 佢最恨玩的其中一樣, 就係做小護士接生&照顧初生baby… 但因為在2樓, 玩到最後先去, 已經close左, 小Aimee即場喊左一輪…. 

 Mos Burger—–學整漢堡飽!  佢地好認真架, 先著好制服, 黎個小briefing, 洗手, 開始…

 整完之後, 我同小Aimee兩個share左個漢堡飽黎食, 乖女做的特別美味~ hehe~   小Aimee一手楂住漢堡飽, 一手楂住"返工"賺左的錢&小小証書~ 

 ABC Cooking Studio—–學整日式料理~  呢2件精緻的"花之飯團", 賣相唔錯架~ 見小Aimee又包, 又切, 好似好好玩咁…   每次返完工除左可以享受番自己的"成果"之外, 都會有"薪金&小証書~

  我同小Aimee一人一件, 味道唔錯喎~  小Aimee仲好興奮咁一輪嘴教我點整添…..

  可口可樂汽水廠—-入汽水~ 小Aimee唔飲可樂, 不過佢話好得意, 要整番一樽請媽咪飲~

 由水樽清潔消毒, 入汽水, 合蓋, 急凍…. 每個步驟一一完成! 味道同街買的一模一樣, 仲夠晒凍~

  去銀行開戶口, 申請credit card, 存錢…  小Aimee終於可以自己用ATM喇, 鬼咁開心~   返工賺到的錢, 可以去"迷你"兒童版"三越百貨"shopping~ 

(** 由於小Aimee只得幾十蚊, 佢又唔係好識睇價錢, 我叫佢揀D細細件野好喇, 揀好就在窗口遞比我睇o下夠唔夠錢買先~ 於是佢揀左隻小baby公仔, 遞比我睇, 我示意ok~  佢竟然轉頭繼續揀多5, 6隻唔同款的小baby放入購物籃, 跟住仲想買其他野  …. 幸子即刻"犯規"走入去, 叫佢淨係買一隻就好喇, 唔夠錢呀~   以為ok啦, 點知佢去收銀度比錢果時, 見佢攪一大輪都未攪掂, 又再次"捐"入去睇佢同收銀姐姐攪乜鬼…. 原來收銀姐姐話佢唔肯比錢喎~~  激死~  小Aimee話好鐘意呢度D錢, 唔捨得比, 真係唔知好嬲定好笑…  )

 小Aimee的Kidzania銀包, 入面有用淨的$15蚊, CREDIT CARD, 地圖 & 小証書~ 

  呢張相係場內工作人員影o既, 見影得幾靚就買囉!~ 專業係唔同D.. hehe~ 

  玩完之後, 就去左Lalaport的"CANDY"食晚餐~ 呢度的裝飾好似"小公主"餐廳, 四圍掛滿大大小小的水晶燈, 最緊要係"兒童餐"吸引嘛~

   Pasta,  risotto & 甜品都唔錯架~ 見唔少玩完Kidzania的一家大細都黎呢度開餐呢~

小Aimee唔肯離開Kidzanai, 仲喊晒口話要住o係日本喎~  好啦, 媽咪應承之後去東京都會帶小Aimee黎"返工"賺錢架喇!~ hehe!~ ~ 

( 參考資料: Kidzania:  http://www.kidzania.jp/ )

 鎌倉"苺狩" + 新江之島水族館

小Aimee同幸子最鐘意魚魚, 所以去旅行一定會去水族館~  之前去過的"橫濱八景島"&"葛西臨海水族館"都highly recommended!!~   今次就去到湘南海岸的"新江之島水族館"~

 先乘JR湘南新宿線去到大船站, 再轉乘"江之電"—-架空單軌電車, 第一站係"深沢"~

  途經"深沢"站, 知道有個士多啤梨farm, 就先去"莓狩"喇!~  見到一排排"溫室", 同埋" いちご園" 的字樣, 我地都好興奮…..  hehe, 原來仲有一個小"箭嘴", 未到咋, 仲要繼續行….

 終於到喇"鎌倉観光イチゴ園"    30min的"莓之放題" !!~~  由"湘南深沢站"行到士多啤利園大約10多分鐘, 但位置似乎比較偏僻, 感覺好似行左好耐.  小Aimee今次行程講得最多的日文, 除左"ありがとう"之外, 就係"Ichigo"啦~ hehe~  

之後, 再坐"江之電"去"新江之島水族館"~   在車站可以望見山上大大的觀音像~  其實可以順路去埋"鐮倉"睇大佛&寺廟, 但今次帶住小Aimee怕佢悶, 所以直去江之島.

  行去江之島水族館的途上, 有多間大大小小的特色小店, 連拉麵店都以滑浪做主題, 四圍都好有"陽光與海灘"的夏日feel~

  水族館比原來想像的大好多, 而且好多野睇呢~~   慢慢逛的話, 足足可以消磨一整個下午~

 呢度比一般水族館有更多"hands’ on"的活動!  當日係日本假期, 所以小朋友特別多~ 原本想參加同海豚"扼手"的活動, 可惜已爆滿~  

 水族館背靠湘南海岸, 即使仍然微泠, 仍然見到唔少滑浪好手乘風破浪, 相信夏天的時候一定濟滿玩水的人潮~   有時間的話, 可以走過跨海大橋到對岸的"江之島", 登上山上的燈塔, 吹下海風, 睇睇湘南海岸公園的美景~ 

 水族館有各種各樣的魚類, 海獅, 企鵝, 水母等等, 最受歡迎的應該都係海豚表演~  表演場地後面就係一望無際的海灘, 當日天氣陰陰涼涼, 唔曬, 好舒服~

( 參考資料: 新江ノ島水族館 http://www.enosui.com/)

 Disney Sea

之前分別同小Aimee去過日本的Disneyland & Disney Sea! 今次佢話一定要再去Disney Sea見下Ariel同埋食Mermaid餐喎~  又"迪迪黎"啦!~

仲記得對上一次去Mermaid Lagoon,  因為果度設計成"海底世界"一樣, 燈光比較暗, 所以小Aimee都驚驚地, 至於Mermaid show的超大巫婆仲驚親佢添!~   今次大個左喇, 唔驚之餘, 仲不知玩得幾開心添, 個Memaid show足足陪佢睇左3次呀!~

  幸子已經去過好幾次Disney Sea, 今次的主角係小Aimee, 所以絕大部份時間都留在Mermaid Lagoon~  小Aimee係小魚仙Ariel的fans嘛~  本來想買條新人魚裙仔比小Aimee, 可惜今次無咩靚款~

  對上一次黎, 果款Mermaid餐係粉紅色的小魚仙餐盒~ 今次轉左藍色的Disney Sea主題, 小Aimee一樣鐘意~ 買左2份餐, 另加一D小食~  裝住Jelly mousse果個Mermaid玻璃水杯都好靚架!~  

  玩夠食夠充去shopping喇~~~  見到全部mermaid的精品, 小Aimee當然好開心啦!  大豐收~

(參考資料: Tokyo Disney Sea http://www.tokyodisneyresort.co.jp/index.html)

 玩具店

幸子逛街shopping就當然專攻靚衫飾物化妝品等等, 小Aimee就梗係玩具店啦~   今次去左銀座, 新宿, 原宿, 上野, 吉祥寺等地方,  除左百貨公司的玩具部之外, 去銀座就會去"博品館" , 去原宿/表參道就一定去"Kiddy land" , 去上野的話就會去Yamashiroya… 

 日本的玩具精品又新款又靚, 仲有小Aimee最鐘意的卡通人物, 玩親都唔願走~ 幸子就乘機鼠出去行街街, 買夠再join返大Pooh&小Aimee再玩過~ hehe

  好"kawaii"的精品, 莫講話小朋友呀, 大人都睇到唔捨得走~

 上年春天去東京, 除左去LaQua的"姆明cafe"之外, 仲參觀左銀座三越的"姆明" 展覽.  今次行街街時又咁岩發現三越有"姆明"展, 有好多展品, 而售賣的精品都好靚架! 

手工店

喜歡各種手工的幸子當然要逛手工店&Zakka店啦~   之前試過為左一間店舖老遠去到"八王子"& "梅島"等地方.   但之前買落太多手工材料都未用, 所以今次入貨唔算多~ 淨係去左新宿三越ABC Crafts, 吉祥寺Yuzawaya… 今次行程的新目標就係"目黑"~  自由之丘係幸子最愛逛的地方之一, 除左多間最愛的甜品店之外, 仲有好多精緻的Zakka, 人形&手工店~  不過因為行程臨時有變, 今次無去到呀~  (下次再去啦~)

  好可愛的bear bear小店~  陶瓷彩繪教室的作品好精美啊~

  其中幾件handcraft戰利品~ 玩開Tole painting & Teddy Bear的朋友仔都應該會認得該artist吧!   最鐘意就係呢隻迷你小王子bear bear, 恨左好耐喇, 竟然比我遇上 (約3萬幾yen)~

 日本橋miniature展覽

日本橋的"丸善百貨"舉行一個miniature展覽, 展出"創作市場別冊「ミニチュアの世界」"的"掲載作品".  展品包括日本和海外多位世界級的著名miniature artists的迷你人形, 小熊, 花卉, 衣飾, 傢俱等等, 全部都十分小巧精緻而且像真度極高, 簡直令人嘆為觀止! 比在書本上見到的作品更具震撼力!~   小Aimee都睇到嘩嘩聲, 唔願走呢..

  展覽場地唔可以影相! 不過幸子在場外的小窗影左2張做記念~ hehe

  相片只係影到其中的一小角~  每一件展品都足以令人駐足慢慢觀賞, 再觀賞…..

  場內的限量紀念品:  古典小木桌&創作市場別冊「ミニチュアの世界」迷你版~

  原裝書 VS 迷你書 

咁, 當然有番咁上下的食店都會再"翻炒"~    就等我介紹一下今次食過而又值得推薦比大家的食店先~

美食篇の"翻炒食店推介"

 瀨里奈

東京有多間著名的shabu-shabu店, 入口即溶的牛肉, 確實諗起都流口水~   新宿瀨里奈係幸子的最愛之一!~  能夠得到名人明星熱捧, 固然有其道理o既~

今次分別order左"日本和牛"&"長腳蟹"火鍋套餐, 再la carte其他小菜~

  牛肉依然係極品, 放在火鍋一燙即食, 呈粉紅色的牛肉鮮嫩無比~

  蟹肉亦很嫩滑, 味道很鮮, 啖啖肉, 正~~

  其他菜餚都好美味架~

 Misono 鐵板燒

在東京食神戶牛, 一定要黎Misono啦~  店入面掛住奇洛李維斯等外國名人光顧的照片, 証明係星級食肆!? hehe~  幸子好鐘意食teppanyaki, 連小Aimee都一個人食晒一個神戶牛套餐呀!~  你話幾勁~ hehe~~  絕對係幸子"翻炒"再"翻炒"的食店之一~

  在師傅預備&烹調帶子和魚類等海鮮時, 我地先品嚐其他冷盤小吃~

 鱈魚煎得剛剛好, 配上日式洋蔥粒, 好惹味~   連strawberry甜品都整得好靚又好味添~

 主角出場: 神戶牛~~ 唔單只牛肉好味, 連蒜片都香脆又惹味~ 比香港食到的高級鐵板燒店更佳~ 

 北澤俱樂部

以往去東京都一定去築地市場食壽司, 仲最少去2日, 甚至3日, 每日食一間, 壽司大, 大和壽司 & 仲家魚生飯等等.   今次都預左去食架, 但實在太太太疲倦, 要晨早天未光就起身, 仲要食一堆野落肚, 我同大Pooh講免費任食我都頂唔順….  (算啦, 安慰自己6月又再去日本, 到時先算啦~~)

於是我就去左一間shopping完好就腳的迥轉壽司店—“北澤俱樂部”~ 

 吞拿魚腩壽司好大件,  成個口都充滿豐腴油香.  (1,400 yen 一件)

 松葉蟹腳壽司, 肉質好鮮甜啊~  (1,400 yen一件)

 見身邊幾個日本人都叫呢款燒海縲, 我又唔執輸order一客, 果然又香又鮮~

 墨魚仔壽司味道濃郁鮮味~ 

 其他壽司都OK呀!~  去完新宿shopping又想食壽司, 呢間o岩晒~  (記住預時間排隊呀!~)

 "名代京都三条"炸豬排

以往去日本一定食"和幸"炸豬排,  直至發現呢間更美味的"名代炸豬排"~  排隊的人龍都唔惹小.   今次有2餐大Pooh都指定黎呢度~  除左炸物之外,   該店人氣"蒸蛋"都好滑好好食架~~ 

 小Aimee好鐘意一邊磨芝麻, 一邊睇師傅炸野食~

 大Pooh的厚切炸豬排

 我的炸豬排拼炸大蝦~

 Pierre Herme Paris

每次去日本, 見到D靚到似藝術品一樣的蛋糕, 未食就已經心花怒放~   "甜品迷"幸子每次都會專登訪尋各間日式/西式甜品蛋糕店~    自由之丘, 銀座, 六本木, 表參道, 代官山等等~~   遇上特別美味的, 先會再次光臨~

上年去到Pierre Herme Paris本店, 因為小Aimee唔舒服, 所以只係外賣蛋糕獨食, 仲買左一D cookies&朱古力禮盒, 味道都相當唔錯.  今次重臨舊地, 可以真正tea一tea~

 地下係餅店, 售賣各款蛋糕&甜點~  樓上係Bar Chocolat Café.  你睇, 連日本的miniature食玩都出左一系列呢間cake shop的甜品架~

 Signature Chocolate Show, 分別有熱情果, 咖啡, 芝士等造成的朱古力mousse, 要按次序逐一品嘗~

 “Ispahan” 係鎮店之寶~  玫瑰花味的macaron, 中間夾住raspberry&荔枝, 味道唔會過甜, 反而多左一種清香的感覺!  美味令人念念不忘呢~

 除左朱古力之外, macaron係呢度主打~  小Aimee的朱古力macaron, 佢話好好味~~

 咖啡夠香濃,  特別付上黑朱古力伴飲, 夠細心~

在Lumine 2 的一間cake shop La Maison, 雖然唔係咩星級餅店, 但係幸子每次去新宿都必定光顧, 原因係旁邊有一間開到11:00pm的書店!~ 當紀伊國書屋&三越的書店都一一關門之後, 呢度就係最好hea的地方~

 呢間café的蛋糕賣相亦好吸引, 味道唔錯架!~

 呢款blueberry花茶好香甜啊~~~  回味~~

日本的蛋糕店款式靚到"dum", "dum"聲, 味道亦ichiban~   今次都試左唔少好好味的蛋糕,!  特別介紹呢款Sweet of Oregon芝士餅比大家, 在高島屋地庫的食品部試食過後, 即刻買左一盒~

  季節限定的"櫻花芝士蛋糕"!  面層有一層薄薄的sakura jelly和小櫻花, 芝士餅好香濃~  正!  一返到酒店三兩下就比我地食晒~

仲有無其他食店介紹?  幸子平時其實好少影食物架, 依家間唔中都影下, 都係為左post上blog, hehe~    唔, 之前試過多間食肆之中,  呢一刻在腦入面想起的有…….

1) 天婦羅:   淺草大黑家, 新宿つな八

2) Shabu-shabu:  人形町今半(本店)

3) 燒肉/鐵板燒:  六歌仙, 牛庵(銀座)

4) 鰻魚: 上野伊豆榮, 川越

5) Cake shop: Mont st. Clair, Sweet Forest, Le chocolat, Pierre Marcolin, Patisserie Sasharu AOKI…..

6) 其他: 蟹道樂, 六本木蛋包飯, まい泉豬排, Satou牛肉丸

都係去東京必食的~  相信好多識食的人都試過, 未試過的話下次去東京要試下喇~

今次本來plan左幾間新食店想試, 但因為臨時改行程, 所以取消左booking~  就介紹2間比大家, 應該唔錯架~~

1) Seven　Seasons　Tokyo　HARUKA (高層望景日式料理) http://r.gnavi.co.jp/a001703/

2)  炭火燒肉 藏 (近江牛放題) http://r.gnavi.co.jp/g299902/

  美食SHOPPING~~ 

日本係一個令人眼花撩亂的地方, shopping的慾望到臨走果秒鐘都仍然好澎湃~ hehe~   東京大大小小的商場&公司, 最吸引幸子的當然就係靚靚的春裝, 飾物配件, 連小Aimee都大有收穫~   另外仲有雜誌/書, 化妝品, 護膏品一大堆, 零食, 日式食品, 雜貨精品, 通通唔放過~~   我地半個o急去, 回程3個大o急+1個大手提袋+大小公司袋…. 

臨走前仲特別走去伊勢丹大掃食物~~  呢間牛肉counter的牛扒, 薄切牛肉, 牛柳..….全部都好靚~

 店員將全部牛肉仔細pack好, 再用銀色保鮮袋包實, 帶到返香港就即刻入冰箱急凍~

 今晚的晚餐: 日本極品黑毛和牛~   (一盒4件,  約16,000yen)

短短8日的行程, 在東京shopping啦, 嘆美食啦, 玩啦, 當然唔少得睇櫻花~~ 今次仲去左著名的那須高原溫泉鄉, 係熱鬧繁忙的東京以外的’世外桃源’~ 雖然每次去日本都筋疲力盡, 但係真係好開心呢~~

出發篇の’東京櫻花滿開’

小Aimee知道有得去旅行, 晨早叫醒佢都即刻’彈起’~ hehe~ 揹住大Pooh check-in囉~ 今次的閘口比較遠, 所以安排左’嗶嗶車’比我地~

入去1st class lounge ‘The Pier’食早餐等上機, 比較少黎呢間~ 我都係鐘意The Wing, 覺得大D舒服D~

飛去日本呢程機無咩人喎, 所以幸子偷偷地影左D相~ HAHA~

好鐘意坐飛機去日本, 因為飛機餐有‘懷石料理’ 啊, 味道都算唔錯呢!~

日式料理好豐富, 呢度只係其一部份咋~ 特別鐘意’海鮮黃金燒’~ 款款都賣相精緻, 味道ok架~

小Aimee食西餐, 幾款飽飽之中最鐘意係garlic bread~ Rosemary chicken都唔錯啊~

國泰的甜品次次都唔同, 味道都幾好添~ 餐酒亦有多款選擇, 我通常飲一杯96年的紅酒~

新飛機VS舊飛機:

去程的飛機係CX的舊型客機; 相比之下, 回程乘搭的新型客機, 個頭等機艙舒適得多, 原來的12人機艙變成9人機艙, 每一格的私人空間更加大~ 今次成個機艙只得我地一家咋… hehe

大Pooh一早book定1A&1K比我同小Aimee, 飛機頭的位置都係我地架喇~ hehe~ 電視後面的小坐位係方便其他客人坐低一齊傾計, 訓覺時就可以將坐椅變成一張全平的大型睡床~

坐位旁邊係一個衣帽間~ 每個坐椅的闊度足夠2個大人同時坐架! 而其他設施都比舊機舒適得多~ (* 所以大Pooh每次訂機位時, 我地都特別留意係咩機架~ hehe)

以飛機餐黎講, ‘和式牛柳’煮得好好, 配上墊底的大洋蔥圈味道更佳~

咖啡蛋糕配baileys sauce, yummy!~ 單是機上的咖啡/茶已有10幾款選擇, 而呢款’安溪鐵觀音’味道清香, 聽聞係極品名茶~

小Aimee食飽飽, 睇完電影, 打下機, 就訓覺覺囉~~ 媽咪就繼續睇o下電視, 聽o下歌, 嘆o下茶..

‘滿開’的櫻花

大Pooh一早book定今次去日本的機票, 一方面就番小Aimee的假期, 另方面當然係去睇櫻花啦!~ 未去之前, 一直有上網check日本開花的情況, 寒冷的天氣令開花日期延遲… 好彩臨出發前天氣轉好, 開花日子亦都提早, 最終都可以睇到漫天遍地粉紅色滿開的櫻花喇!~

過去幾年, 幸子每年都有去日本賞櫻~ 今次去左上野的恩賜公園, 吉祥寺井之頭公園 & 新宿御苑~ 每處都有其獨特的美態~~

小Aimee特別要求帶呢條pink裙仔同櫻花影相, 做’sakura公主’喎~ hehe

吉祥寺井之頭恩賜公園

每次去吉祥寺都係為左一間大型的手工店, 同埋附近的zakka店. 遇上櫻花季節, 就當然會去埋井之頭公園啦~ 好多日本人一家大細, 大班朋友同事, 早早就霸定位擺晒美食賞櫻, 加上四周圍靚靚的櫻花, 充滿氣氛~

櫻花靚, 遊人多~ 呢度的最大特色係公園有個大大的湖, 湖畔兩旁的櫻花樹垂柳影襯得格外迷人, 而湖上面的天鵝小船又加添幾分可愛~

上野恩賜公園

上野公園有大大小小的寺院, 在滿開的櫻花樹襯托下, 令它比吉祥寺多了一份濃厚的日本傳統色彩~

公園大道兩旁開得滿天滿地都是的櫻花樹, 置身當中, 感覺好似一片’花海’一樣~

仲有一街日本傳統街頭小食的攤檔, 又熱鬧又好玩~

新宿御苑

新宿御苑係唯一一個要比200yen先可以入場的公園~ 但當你入場後, 就會明白呢200yen係絕對值回票價~

呢度的櫻花種類最多, 而公園分為幾個不同特色的庭園, 一望無際的草地, 漫天的櫻花, 小橋流水, 風景絕美~

櫻之味

每到櫻花盛開的季節, 日本的大小商店都以櫻花製品作賣點, 諸如蛋糕, 和果子, 以至和食, 飲品等等, 樣樣都試過o下, 但多數都在當地即食, 比較少可以放得耐…..

茶葉應該係一個例如~ 今朝一早泡左杯櫻花茶, 配埋櫻花大福一齊食, 和味無窮啊~

櫻花茶有’茶包’&’花茶’2種. 呢個咁kawaii的音符形東東, 其實係一個矽膠製成的茶葉格!~ 打開’音符’, 放入茶葉, 再成支放入杯中’泡茶’, 好可愛呀!~

另一款用成朵櫻花造成的’花茶’~ 放在熱水中就會慢慢’開花’, 絕對充滿色香味~

呢款’櫻花大福’味道唔會太甜, 唔錯!~ 另外一款’草莓大福’都好美味呢!~

那須 —位於日本關東櫪木縣, 是著名的高原溫泉鄉.

在森林之中依山而建的小木屋和傳統的溫泉旅館, 在沿途參天的大樹和草原襯托下, 顯得格外恬靜和諧. 那種"世外桃源"的感覺, 沿於未被人山人海的外國遊客所攻陷, 亦來自那須的自然明媚風光.

香港人去東京浸溫泉, 大抵首選伊豆, 鬼怒川, 日光等地. 其實由 "東京站"乘坐新幹線去"那須", 亦只需少於1個半小時的車程而已.

唔好以為呢個"那須高原溫泉鄉"會好悶無野玩, 其實有好多適合一家大細, 或者甜蜜二人行的旅遊景點呢! 例如牧場, 士多啤梨園, 小型賽車場, 美術館, 工藝館, 動物王國, 瀑布, 滑雪場 etc. 今次book左一間日式"隱世秘湯"的"一泊二食", 在那須停留2日. 玩完先發覺仲有好多地方想去, 相信在那須留多四五天都絕對唔會悶呢!

搭乘東京車站的新幹線, 入閘後, 便往專門售賣各式便當的商店街, 款式多到眼花撩亂~ 我地一人揀左一款, 小Aimee揀左"淺草今半"的牛肉飯盒, 我就揀左"黃金海道"飯盒… 唔只個樣吸引, 味道都幾唔錯添~~

短短的個半鐘車程, 我地都買定日式"便當"上車慢慢嘆~

一落火車, 就見到賣手信的小店, 仲有好多旅遊小冊子任攞! 當地有專停各大旅遊景點的"那須高原觀光周遊巴士"~ 但由"黑磯駅"出發, 首先要搭乘一輪巴士上山~

一出火車站就會見到巴士票務處, 買飛後在"黑磯駅"等巴士上山~

那須ハートランド

第一站係"那須ハートラン", 呢個Heartland座落於那須高原連綿群山的山腳, 由"お菓子の城", "お花の城", "草莓之森" & "那須山溫泉"四幢建築物排列而成~

一落巴士就見到對面的"いちご狩"(摘士多啤梨)大橫額和一排排的大型溫室. 興奮~

"果子之城"係一座大型的歐洲式建築物, 係上山巴士必經的第一個熱門旅遊景點~

"お菓子の城"以那須高原的天然物產製作各種美味食物, 包括那須的乳製品，葡萄酒, 日本酒, 漬物, 果醬等. 偌大的店舖售賣那須名物, 皆以該地出產的新鮮牛奶, 雞蛋和士多啤梨等製成日式果子, 糕餅和西式蛋糕, 款式應有盡有.

有得試食, 小Aimee就最興奮~ 小Aimee自己揀左D喜歡的小食呢~

另一邊係售賣各款食材&手信~ 仲有專為小朋友而設的小木屋~

手作りの菓子実演: 2樓有"燒果子見學"(蛋糕&和果子的製作示範) 和餐廳~

呢款用那須蛋&牛奶製成的pudding, 外形好得意, 味道又香又滑~ yummy~

一返到香港, 就用那須的"士多啤梨Jam" & "糖漬藍梅醬"塗麵包, 士多啤梨有好多果肉, 而藍梅甜甜的口感脆脆幾特別, 美味的早餐~

買夠食飽後, 就轉入後面的"お花の城". 入"お花の城"的第一任務, 唔係睇花, 而係做小手工!!~ 果度有幾款"親子小手工"比小朋友參加, 小Aimee當然唔會放過~

全幢以玻璃而建的"花之城", 帶點歐洲的異國味道~

小手工有押花, 小花樽等等, 小Aimee揀左玻璃畫, 要畫一幅rainbow colour的玫瑰花喎~

花之城比想像中更大更靚~ 分為室內的溫室區&戶外的花園.

溫室區的一角. 有各式各樣的花花&人工瀑布~

佈置到好似結婚場景一樣咁靚, 岩晒小Aimee~

溫室區的另一邊係"玫瑰園" , D玫瑰花又大又多又靚~~~

入面的玫瑰花係我見過最大最靚的, 大部份的花朵都開到好似小Aimee塊面咁大, 紅色, 黃色, 淡粉紅色…. 總之開到滿天滿地都係, 以花朵的數量, size和婝放的完美程度黎計, 比起Queen Mary’s Garden 的玫瑰園更壯觀呢! (位於倫敦的Regent Park, 其"玫瑰園"佔地極廣, 有好多唔同種類的玫瑰花, 曾經係幸子最愛留連的地方之一!)

花天花地, 帶點點歐洲feel, 好浪漫啊~~

D玫瑰花直頭大過小Aimee塊面!~ 唔係一部份, 係差唔多全部都係, 你話幾壯觀呢!~

至於室外的花園面積也不少, 但當時天氣仍泠, 戶外未見繁花蹤影, 但小Aimee都逛得好開心呢!~

見到leaflet的介紹, 天氣回暖後, 戶外花園都應該會好靚~

見到木鞦韆, 當然一齊玩番陣啦!~

逛完"お花の城", 經過"那須山", 就到"いちごの森"士多啤梨園喇!~

"那須山"溫泉, 行到疲倦入去浸返陣都應該幾爽. 幸子搵到一間隱世秘湯嘛, 路過便算~

一排排的士多啤梨溫室向我地招手喲~

新鮮的士多啤梨, 係幸子&小Aimee的"飛佛"~~ (*必須先預約呢¬)

p://www.oinoshiro.co.jp

地址: 栃木県那須町高甲4588-10