在我印象中，日本人相當講原則，即使生活小節，都一絲不九茍，我有其中兩次深深體會。

話說其中一次晚上在新宿，晚膳後意尤未盡，想到了在歌舞伎町近戲院的haggen dazs 專門店買軟雪糕食(現在已經停售，可惜~)，見店內並沒有顧客，於是走到counter前向服務員提出要買2杯軟雪糕(當然係用日、英、手語夾雜啦!)。

當時店內唯一的服務員向我說了一輪日語，並且用手勢暗示要往側邊排隊。我開首都一舊雲，全店得我倆個顧客及得佢一個服務員，搞咩呀~~~

但見我呆哂，繼續用堅定的眼神及做同一個動作。Okay~~ Fine! 算我怕左你，打橫走過約3步左右的收銀機前站立，服務員亦在收銀機後用日語問我有咩需要? 我再講2杯軟雪，跟住佢就好欣然地收我錢及繼續用日語重覆order，並且再走向雪糕機按2杯軟雪糕後，又用手勢指示我返回最初的位置取雪糕！

日本人的原則性格，可見一班！