三井@稚內宗谷

快、快、快！香港人樣樣要快，想去日本衝鋒冚陣，chotto等一等，日本什麼都是慢、慢、慢。服務態度超班的日本人，不用劉德華教都攞足滿分。嫌慢？遲早要劉德華教香港遊客：「今時今日既SHOPPING態度係唔得架！」

一、錢
有無發現日本紙幣張張可以封利是。如果你從褲袋掏出一團銀紙找數，會嚇親不少日本人。

二、收銀
無論是名店或是麥當奴，收銀員總會念念有詞說：「總共幾多錢。現在收你幾多錢。在找回幾多錢。」重覆又重覆，拜托，這個時候不少要表演香港人的零耐性。

三、付錢
常有付錢專用小膠盆，放錢上去吧，否則你遞錢給收銀員，佢又會遞返個小膠盆過你！

四、分開包
日本人好鍾意問，「要不要分開包呢？」雖然你未必聽得明白，但佢總都要問到你答為止。你買十支鉛筆，佢會逐支包或給你十個小袋、十個貼紙，再放入一個大袋交給你。

五、雨樓袋
下雨天，紙袋會有專用膠袋套好、不同SIZE紙袋有自己SIZE的雨褸，細心得佢！

六、入試身室
入試身室就算是試上衣，也要除鞋，着穿窿襪行街，出醜自負。

七、Display新貨
除了在名店買東西，日本人多數不會入倉拿另一件新貨給你，就算買眼鏡、頸鏈、手鍊都一樣。

八、任睇
在書店和便利店的書是「任睇唔嬲」，看足一天也無妨。

九、割
「大割引」即大減價，「1000円割引」或「1000円引」即是可節省一千圓。千萬別以為是賣一千圓！

十、退稅
在百貨公司買滿一萬日圓（食物除外），便可退稅，醒目就記得帶護照去SHOPPING。