片片紅葉＠秋月城跡
日本唔只多舊城堡、即使舊城堡無咗（自然天災或者人為消滅）、佢嘅舊跡一帯都會被保留。好似今日介紹呢個「秋月城跡」、係江戶時代黑田五萬石之靜穆城下町區、由濃綠的植物和山丘所組成、素有「小京都」之稱、係遊客「到此一遊」的必経之地、更加係欣賞紅葉嘅名所。喺日本一到９月、好多人會開始計画去邊度賞紅葉、即係楓葉。通常係１０月後段開始至１１月中段、係全国欣賞紅葉嘅日子（毎年日子都有差別）。雖然呢啲月份無嘜大假期、但一到週末好多家庭就會一家大細咁去附近嘅紅葉名所賞紅葉、攪到交通擠逼。「秋月城」原住所現已改建為中学、但周圍嘅環境都保存得好好、呢度係福岡睇紅葉嘅有名地方、好多旅行團都一定会嚟。
呢條叫做「杉の馬場」嘅路、両傍種満櫻花樹、喺春天亦都係欣賞櫻花嘅名所。我重未試過嚟呢度睇櫻花、因為真係好多人又難泊車、但係都心思思想搵年嚟睇吓。両邊有好多売店、亦都可以満足買「手信」嘅欲望♪～(￣。￣)。
秋月観光協会官式網業：http://www.akizuki-kanko.com/
交通手段：只可駕車前往復
« 虹ノ松原
大件夾抵食 【多牛】 »
D相好靚呀~~~ 搞到我好想去日本, 不過日本真係好貴呀……
多謝！而家啲円咁貴、去日本真係幾肉痛o架。
我啱啱book咗福岡package, 在12月18至21日.
得四日咋, 想去温泉, 朋友介紹Puna Onsen, 有冇一d天然d,又唔遠 ?
會去台所, 想吃燒肉, 少少shopping, 少少郊遊.
多多指教!
你好！想天然又近市区唔係太多、Puna Ola都好近咯喎。
或者去我介紹過嘅博多湯（二日市）比較容易去。
焼肉遅啲会介紹、請留意。
好靚啊！
不過去日本係可以唔貴架，
今年五月去大阪，日元都貴，但OVERALL洗費除左交通費都OK。
多謝哂 ! 我会密切留意.
我打算去釣船茶屋, 白鳥丽子小姐去過沒有?
himalbum: 貴同唔貴毎個人都唔同価値観、好難講嘅。我自己喺度住就覺得唔係様様貴、只係有部分、但係有啲係貴得有道理嘅。
訪客：釣船茶屋我好耐以前去過、印象唔深、唔記得咗咯。
Hi Ms Whitbird,
從福岡回來了, 原來Puna Ola 温泉已易手, 變咗鷹の湯.
我去了’太木殿’ 吃燒肉, 去了Outlet.
釣船茶屋, 有点難找, 好有趣的歺方廳.
Thank you for your information.
Happy New Year !
到日本數次, 大多數是跟團,
來也沖沖, 去也沖沖, 詳細了解認識日本地道文化不足.
希望再有時間, 隻身再來,
來個close-look, 盡享日本的地道飲食, 環境.
還來個温泉啊…..哈..哈