日本唔只多舊城堡、即使舊城堡無咗（自然天災或者人為消滅）、佢嘅舊跡一帯都會被保留。好似今日介紹呢個「秋月城跡」、係江戶時代黑田五萬石之靜穆城下町區、由濃綠的植物和山丘所組成、素有「小京都」之稱、係遊客「到此一遊」的必経之地、更加係欣賞紅葉嘅名所。喺日本一到９月、好多人會開始計画去邊度賞紅葉、即係楓葉。通常係１０月後段開始至１１月中段、係全国欣賞紅葉嘅日子（毎年日子都有差別）。雖然呢啲月份無嘜大假期、但一到週末好多家庭就會一家大細咁去附近嘅紅葉名所賞紅葉、攪到交通擠逼。「秋月城」原住所現已改建為中学、但周圍嘅環境都保存得好好、呢度係福岡睇紅葉嘅有名地方、好多旅行團都一定会嚟。
呢條叫做「杉の馬場」嘅路、両傍種満櫻花樹、喺春天亦都係欣賞櫻花嘅名所。我重未試過嚟呢度睇櫻花、因為真係好多人又難泊車、但係都心思思想搵年嚟睇吓。両邊有好多売店、亦都可以満足買「手信」嘅欲望♪～(￣。￣)。
秋月観光協会官式網業：http://www.akizuki-kanko.com/
交通手段：只可駕車前往復
9 comments
