Day 3 - 16/02/2014 清晨五點爬起身 沖個杯麵就去Lobby 等司機到 我地晨咁早去邊?? 就係去 Chiang Mai Sky Adventure http://www.skyadventures.info/ 今次係Direct Book, $1900THB/15min , 加$500THB 可拍Video (包接送 , 証書及咖啡奶茶等飲品) 主要分上下奏兩個時段 07:00-09:00 及 16:30 -18:00 出發前都掙扎好幾次揀唔揀咁早玩好 最後都好慶幸自己揀左朝早, 點解?? 睇相就會知.. <清邁之日出> 曙光初現?? 機師 : Okay!! Are you ready?? Yes !! I'm Ready !! 起飛前, 機師話要拎定電話,因為起飛後會大風到拎唔到 其實冇想像中咁驚, 不過就真係好大風 , 所以我肯定我開頭唔係腳震 , 係大風姐 :) 機師會同你沿路介紹你腳下既野 另一方面 , 我腳下既農夫亦都同我揮手 SAY HI !! Woo..大風到好似影得到咁 清邁水塘 我們的飛行証書 呢個真係個好好既體驗 (PS: 唔好著靚鞋去啊 , 當日係半濕草地) 未夠 9點就番到酒店 醫肚後又再等下一個司機黎接我地 今朝咁早起 , 梗係要去做個spa眠一眠啦 Fah Lanna Spa http://www.fahlanna.com/ Fah lanna 既司機接左我地之後, 沿路都有同我地傾計 仲問我地點解會識得Book佢地間SPA 原來佢以為香港人同強國人都一樣 , 係為左套 [泰囧] 而來 OMG~其實我只係係 Tripadvisor 見環境靚又包接送而揀咋 點擊圖片放大 +2 坐低後, 前台先送上凍毛巾及飲品 點擊圖片放大 +3 揀好做咩按摩之後, 就去洗腳, Fah Lanna 分別會用青檸同磨砂 用青檸時會很癢啊 @@ 被安排到2樓既按摩房, 一入房就發現係勁多蚊果囉 =.= 我地揀左做3hr. 既 Fah Lanna Northern Style Packages - 2100THB/位 而呢個 packages 最大特點係當中1hr. 既 Tok Sen Massage 首先會按腳(1hr.)之後就傳統泰按(1hr.)同小休飲杯薑茶 最後技師就會用下圖果2件木製既 "架撐" 揼你(1hr.) (copy fm. u travel) 而揼完每個位 , 技師都會幫你搽番D按摩膏 好彩有野搽舒緩下 , 因為都幾痛 , 叫左2/3次細力D先叫頂得下順 所以唔受得力既, 我諗最好唔好試呢隻 (本人做開中力) 3小時過去, 前台就再送上小食及飲品作ending 按後感 : 總分3.7分 服務同環境的確係唔錯既 , 唔計個Tok Sen 唔多適合自己外 , Toilet 係嘔心石春地 & 好暗 , 再加埋多蚊呢樣已經扣哂分 之後就去左食未被遊客攻陷 & 冠軍得獎 既正宗泰北菜 Krua Phech Doi Ngam 真係英文字都冇隻 , 好彩上網搵定哂自己想食咩 左圖 - 得獎沙律 ; 右圖 - 燉肉 左圖 - 烤雞 ; 右圖 - 糯米飯 點擊圖片放大 +3 食後感 : 4分 味道其實唔差 , 但泰北菜唔係我杯茶 同埋黎呢度都幾隔涉 , 位於公路旁 , 交通不便 回程 : 烈日下行左接近25分鐘 , 先有Tuk Tuk 經過救番我地2條友 好彩司機都好好 , 沒有開天殺價 , 只收80THB就番到古城(都搭左成10分鐘架) 4點就番到古城東門 , 落車時, 仲同司機閑聊了幾句 之後就開始行星期日係清邁必去既SUNDAY MARKET 呢個週日夜市真係好大 單單由東門直行去街尾 , 當中冇乜點停 , 我地都行左4/5個鐘 相比Nigrht Bazzar 同 週六夜市 , 呢個更值得一到 至少唔似廟街 , 賣既野比較地道同藝術一D 係東門開始行冇耐, 大約第一個街口左轉入去 , 就會見到呢D餐車同5顏6色既餐檯 PS:係泰國見到中文字...其實真係會有啲 SAD 賣相吸引 , 但未餓喎 >.< 之後再向前行, 左手邊有間廟 , 入便成個圈都一樣有野賣架 點擊圖片放大 再行前D就見到呢大大個既WAWEE COFFEE 公仔 而佢側邊就係特式餐廳 Hot Chilli 但基本上 , 個肚同胃都唔可以容許我地坐低一試 因為沿路賣小食既都好多 , 又平又好味 點擊圖片放大 真係有人係我面前喪啪入口 行到街尾就會見到佢 入便都一樣有野賣 係Sunday Market 滿載而歸後 , 就打算向番東門方向行去食SP Chicken 點知搵極都搵唔到 , 回港後從營友得知 我係 Tripadvisor 搵既地圖原來係錯既...@%XY*#Z.(行到傻仔咁嘎) 但誤打誤撞之下又比我地食到好野 雖然普通 , 但真係覺得好味 就係通街街邊都有 , 價值30THB/碗既魚蛋粉 去旅行最鐘意就係食地道街邊野 填飽後 , 女人膽粗粗就提議不如去按按腳 Hooo....男人竟然都和議 (好明顯佢仲攰過我) 本來想行番入古城 , 搵新野試下 , 但男人諗都唔諗就話要去番 Let's Relax 佢話果度張按腳梳化超級舒服 OK....Let's go to Relax !!! 今次我地就揀左個800THB/90min - 腳+肩頸 (淨按腳400thb係會有杯茶同小餅) Day 3 - 完