自從去雄裕老地方美食食過一次豬骨煲之後,就一試愛上,去澳門想食邊爐就會即刻去雄裕。 雄裕老地方美食位於關閘某民居平台,有兩個舖位,大排檔格局,有冷氣﹑無裝修,但價錢相當大眾化﹗雖然地點比較偏僻,但就非常旺場,未夠 7 點已經坐無虛席﹗ 雄裕以食煲為主,雞煲、海鮮煲、蟹煲、當然唔少得馳名豬骨煲啦﹗除左煲之前,雄裕亦有供應海鮮同埋小炒﹗ 原文:http://heatravel.blogspot.hk/2014/03/macau-dining-hotpot.html 請支持,用心分享,Facebook:https://www.facebook.com/heatravelling 雄裕嘅豬骨煲份量十足,一打開瓦煲蓋,就見到煲入面放滿左大大件嘅豬筒骨同冬瓜片,聞都已經夠晒香,忍唔住即刻要飲番啖湯﹗湯底濃郁鮮甜,充滿住豬骨精華,亦唔會感覺好油膩。豬筒骨唔會淨番舊骨,上面仲有好多肉,肉味濃厚之餘亦帶有胡椒湯味﹗筒骨亦有注入湯料,可以用用飲管啜出湯同骨髓精華,實在令人食唔停口﹗ 冬瓜喺瓦煲胡椒湯入面煮到最尾,索晒 D 肉味同胡椒辣味,冬瓜顯得更鮮甜,非常好味﹗ 白灼花螺,原汁原味﹗花螺味濃郁,帶點海水味嘅螺肉煙韌﹗ 椒鹽鴨舌,非常惹味香口 豉椒炒生腸,生腸爽脆 每咁多野,每人平均消費都係一百蚊倒,雄裕老地方美食絕對超值﹗ 原文:http://heatravel.blogspot.hk/2014/03/macau-dining-hotpot.html 請支持,用心分享,Facebook:https://www.facebook.com/heatravelling 雄裕老地方美食 地址:黑沙環關閘大馬路泰豐新都大銀行石級平臺上第三座P舖 電 話:+853 2843 5064 營 業 時 間 :6pm - 3am