依依不捨離開Zdiar,坐3個鐘巴士+火車嚟到斯洛伐克最後一站第二大城市Kosice 由於Kosice並無咩好評價既青年旅舍,終於旅途上第一次自己租間apartment過一晚,複式兩人房(但從前就已習慣一個人睡)都係$320,其實真係算好平!最正係無人爭個暖氣位嚟烘乾衫呀XD 講返正題~ Kosice相對首都Bratislava更加無香港人識,但原來係歐洲人社群中都幾出名,至少今屆"European capital of culture"係呢度舉行,而且咁岩就係我十月去到呢幾日開始!但我竟然為左食飯洗衫而miss左function ar!!!!!!不過第二日睇返學生街頭化妝舞會就算啦~ 其實呢個Kosice比起Bratislava係另一種味道,B仔城係有種土耳其迷城feel ,而K仔就係五彩斑斕既圍城,從地下城遺址中,可以感到呢個城古時有好重既被摧殘感覺,但在此遺城上,現卻是一番生機勃勃的氣象 最有生機既莫過於一大球雪糕$4港幣呀!!! 而係高級d既餐廳啤酒+main course+soup/dessert無套餐飽到上心口都唔使一舊水! 加上個城又靚d女仔又靚,好難唔愛呢度wor! 你問我既,我覺得絕對值得係度停留一日law~ 點擊圖片放大 +5 由於車程關係,係Kosice留多左近一日下午6點先走 至此我既斯洛伐克獨行旅程正式完結! 由原本預4日變左7日,就咁聽人講就一支公衝左去山區d聽都未聽過又溝通唔到既地方,其實而家諗返都覺自己做乜咁沙膽 點都好,總係一種鍛煉,而且都叫好彩暫時無穿無爛 斯洛伐克,我唔知會唔會再嚟,但我一定會記得呢個地方! 下一站,匈牙利布達佩斯 (又話德國working holiday!成個月仲係東歐而家係咪昆水先!!!) (話明多多holiday嗎~我10月尾返德國就會搵工ga la~玩多陣啦~) =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪