傍晚離開美麗既列支敦士登,先坐carpooling回到德國Ravensburg,立刻再刻坐火車到下一站 ----- 德國正南端的港口城市腓特烈港Friedrichshafen 呢個城市唔係for旅遊,而係德國瑞士奧地利3國共有既Bodensee (博登湖或巴登湖)裡其中一個重要既商業港口 咁做乜鬼得登嚟呢度? 事緣上次由Freiburg返慕尼黑果程長途巴士經過呢度,見烈日下的Bodensee靚得非常交關!就決心嚟兩日feel下生活淡淡似是湖水 而呢度亦一如所料,係非常悶同無野玩既,主要睇既就係一條長既湖邊散步徑 但亦意料之中,Bodensee真係好靚好靚!!!!! Friedrichshafen長長既湖岸線,每一段都有不同景象,景象更會隨時間而變化 有時輪船穿湖而過,讓岸邊泛起一陣陣漣漪,令身在歐洲大陸中央的你分不清是否身處海邊 所以係呢度唯一要做既就係 ----- 跑到湖邊,邊行邊嘩,嘩到攰,買個包,對支啤,坐係櫈上,在冬季的陽光裡,靜靜欣賞鳥鳴聲中寧靜而祥和的日落 點擊圖片放大 +11 就係咁係呢個湖邊無乜做過野hea左兩日一夜後,再向另一個德國城市進發啦 雖然呢篇blog寫得咁少,但其實呢個地方真係唔錯的,特別對不喜商業味重既人嚟講係福音,至少我所見,德國每個城市必有既DM,Burgerking,Subway,Starbucks,REWE等連鎖店一間都無呀,不過有時要買野就唔太方便啦 另外都講一講今次個住宿,係airbnb搵到既一對老夫婦提供佢屋內既一間房 房間都算乾淨而且兩夫婦都好好人,仲車接車送我到火車站tim~ 但佢地真係食煙食得太勁啦.........我一行出房成日以為火燭!我全部衣物都沾滿超濃煙味,要全部洗一大輪呀...... =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪