正如前所說,新加坡之行決定得突然, 加上小女子同月要先到泰國一行,最後所有行程也是前一個禮拜準備 5日4夜的新加坡之旅 (13/1 - 17/1 , 2014): 去程回程 --- 新加坡航空 (~$1400) 酒店 --- 3間 (小女子要窮遊喔!!) 與友人共付約$3000 (SGP的酒店好費T^T) 平均:$1500 First Night:Parc Sovereign Hotel (Bugis, 但個人認為Little India站會更近酒店) Second Night: FESTIVAL HOTEL (Sentosa) Third and Last Night: Moon Hotel (Little India) 預算整個行程用:$7000 最後用了$6400 (包所有機票酒店開支) 在正式分享每日行程與感想之前, 先大慨分享一下飛機及酒店部分! $1400搭新航,真係抵到爛 新航出名安全!服務好! 不過大概都因為係平機票關係, 去回程時間有D唔方便,變相前後玩少一日 去程1520機,回程1305機,兩程都坐大機 (!!!回程搭個架有上層!強烈推介如果大家揀機位有上層就揀! 因為上層位多數闊落D,窗口位側面有個類似窗台仔咁既位可以放野 非常方便!同埋上層近Business 同First Class! Service都好D LOL) 除左時間唔就腳,其實新航冇咩可以挑剔 無論餐前派熱毛巾小食,以至飛機餐質素 我會比好高分新航!所以如果大家見新航再推平機票,真係諗得過! 酒店: 因為係同朋友去,兩個女仔想慳D 錢但又唔想住太差又想就近去玩既地方 就去到HOTELSCOMBINE.COM 到搵酒店! 先講Parc Sovereign Hotel (不包早餐), D酒店網話係BUGIS區,但LITTLE INDIA 站係近D,我係BUGIS站行左差唔多15分鐘=,= 對呢間酒店有少少失望,因為都唔平,around 700一晚 但酒店房間空間好細!沖淡係企位但冇玻璃幕隔住, 變相我沖涼係會好容易整濕埋廁所 同埋!!!我最不滿係D shower gel 係冇換過! 我係第一個沖涼,但支GEL係得番半支!真係有D離譜 仲有!房內唔知點解勁多蚊,搞到我成晚訓得好差! 唯一好既係D staff 會好熱情咁介紹我地去邊度邊度 Overall 我會比 5.5/10 比呢間酒店 第二晚轉左去Sentosa既FESTIVAL HOTEL 因為想方便第3日一早去Universal Studio 玩 ard 1400 一晚(包早餐),小女子會覺得幾抵住, 因為同樣係SENTOSA島上既酒店eg. Hard Rock, Hotel Micheal 都OVER $2000 酒店房空間OK大,係FAMILY DELUXE (得呢個type有discount haha) 有一張大床加小朋友既上層床LOL,亦有露台(正!) 都係大集團經營既關係又係遊客區,其實都冇咩唔好既方! 不過係食早餐個度麻煩D,因為本身FESTIVAL HOTEL既LOBBY餐廳係冇供應buffet早餐 一問staff先知我地要去Hard Rock/Michael Hotel 食 早餐Buffet供應都算多款,不過偏向中式多,所以我唔食得多 Festival Hotel 除左貴D同係SENTOSA島唔就中心地區 但近UNIVERSIAL STUDIO ,which 我地係要玩一日 我覺得Overall係幾好住,我會比 8/10 呢間酒店 最後兩晚係Little India 既Moon Hotel 地方有D難搵,搵到先知又比酒店網既相呃左, 因為類似賓館,個條街亦有少少雜,ard 500一晚(包早餐) 房間空間細,感覺似時鐘酒店因為行幾步就有床,而且仲要係張床放係類似台上面 仲要係訓既位望到入面個人沖涼,而且係全透明!真係好似FOR情侶LOL 不過個位置的確好近sightseeing既地方,同埋價位係SGP都算平 早餐供應唔多但質素都算係咁 Overall 我會比6.5/10呢間酒店 其實去多幾次旅行,你就會感受到有頭髮邊個想做"癩痢" 我都想住好少少豪少少但我得廿歲搵埋搵埋真係一次旅行都搞掂 新加坡呢次唔係BACKPACKER未有住青年旅舍 但個幾日既窮遊都或多或少體會到新加坡呢個特別既mixed cultures 國家 我會覺得SGP會係一個去旅行1/2次就夠既地方,或者係退休會揀過埋下半世既地方 um.... 想知點解?! stay tuned and support my blog:)