D1: 香港->上海 好耐冇試過香港飛強國, 仲要係下晝機(15:35), 就算預埋早2 hrs到機場, 都可以訓到好晏先起身, 感覺好奢侈XDDD 由於會包車, 都係拖o急算, 無謂扮型, 仲帶埋之前o係gmarket買o既相機袋去 搭巴士去機場時, 都仲好好天, 黎到機場已經落雨 (出發前一星期, 日日留意當地天氣, 見倒日日都落雨, 都心知不妙, 唯有祈多幾次禱 今次搭東方航空, 登機位好遠好遠, 要搭shuttle bus先到 點擊圖片放大 +3 個飛機餐算係咁啦 搭左2個幾鐘, 終於都到上海, 第1次黎上海~ 我地飛浦東機場, 由於我地一團8人分左2班機, 我同另3人6點幾落機, 另4人8點幾先落機, 而我地第2朝要搭7:50 am機飛拉薩, 所以一早網上book左哩間酒店, 離浦東機場只需5 mins車程, 仲有車免費接機同送機 (當然唔可以有咩要求, 都係up dup van仔一部), 都係rmb$168/晚 房間都唔錯, 乾淨整潔 廁所都ok, 有座廁, 水夠熱夠猛, 不過都係有一般強國旅館通病, 廁所係有一塊玻璃, 不過有百葉簾遮住 (但回程我地住同一間酒店, 間房就冇簾, 唯有問佢借膠紙痴起條毛巾遮住, 佢都好樂意幫忙) 由於出發前o係機場食左少少野, 再食埋飛機餐, 夜晚都唔係好肚餓, 但又驚半夜肚餓, 所以晚餐只係叫左麵就算