最後一天在塞舌爾啦~曾經有睇過有Blogger話離開時唔捨得到流眼淚 我覺得老公好似有呢個傾向,成日話好唔捨得,仲周局長上身咁話「我忘~不~了~您~」 今朝我地要搭8點飛機去杜拜,所以要成4點半起身~ 執拾細軟,攪晒所有check out手續,5點半左右,就有人泥接我地去機場 萬般不捨地離開呢個天堂~再去另一個天堂~ 估唔到一早機場已經好多人,或者呢度真係一日只有兩班機吧~ check in完就入去禁區等候, 禁區裡邊有幾間手信店, 老公一直都想買當地出產既椰子酒,終於都係禁區搵到啦~ 個樽好特別,係當地國寶海椰子既形狀,老公一共買左兩支 而我地用淨左d盧比,所以就係免稅店買左d朱古力 好啦~起飛啦~ 4小時後就到達杜拜,開始我地破產之旅~ 今次我地可謂超級富貴團,係杜拜入住位於朱美拉棕櫚島的阿特蘭提斯酒店 而我地仲join左佢既imperia club,可以package 價住套房,仲包club入面任食小食, 酒店仲包我地機場來回接送,係benz啊~我都忘記影張相tim~ 我地仲笑係坐杜拜雞記,因為出面全部都係靚車,benz濕濕淬啦~ 一落機出機場已feel到果陣熱氣,係蒸籠果隻熱啊~ 乜唔係近沙漠會乾爽d架咩? 我覺得比香港仲熱啊~ 上到車後,私機話我地可以放心飲水,因為有窗簾遮住, 果下先再提醒返自己,而家人地係齋戒月,記住唔好係街食野飲水啊~ 沿途係街上好似車展咁,睇到好多唔同牌子既車,好多香港都未見過 而且仲體驗到7線行南既寛闊感,老公話好後悔唔自駕遊啊~ 沿途經過哈里發塔~ 就到啦~ 車程大約20-25分鐘,就到達酒店啦~ 門口好大~ 嘩~lobby好大好靚,有一個玻璃雕塑,好似話好貴架~ 我地開初同遊客們一齊排隊check in,到排到去時,先發現我地係去vip房check in架~ 我真係覺得自己好似個有錢人,果種被尊貴對待既感覺好飄飄然~ 完成手續,我地上房啦~ 職員帶住我地,仲講解係邊度去泳池,邊度去imperia club,邊度食tea~ 我地間套房啊~好正啊~~~~~~ 中間有個大廳~ 我地間房 房再入係浴室 每日有兩套Floris淋浴set~好大支啊~ 浴室再入仲有個衣帽間~好鍾意啊! 衣帽間有個梳妝台 呢間係老媽佢地3個間房 佢地個浴室都好正~ 酒店送左我地一盒名貴朱古力 安頓後,都已經3點幾啦~ 落去下面imperia club享用tea先~ 食飽飽就出發去香料市場,時間非常緊迫,因為聽聞話齋戒月香料市趁會早收架 而我地為左慳錢,搭mall of emirate既shuttle bus去地鐵站,然後再轉地鐵去黃金市場 mall of emirates~有好靚既chanel~ shuttle bus兜左好幾間酒店,浪費左好多時間,去到mall of emirate,好大 我地都行左一陣先搵到去地鐵站既路,買車飛又擾攘左一陣時間 車飛 今次真係同時間競賽,我地好心急咁上去搭車... 嘩...架車全是男人,仲有陣陣咖哩味,暈~~~ 足足搭左成半個鐘,終於到左AI Ras站 果然係近黃金市場,個車站都豪華過人~ 上到地面..好鬼熱..一路行一路問人點行去黃金市場 終於到左黃金市場~ 點擊圖片放大 +2 有黃金衫啊~ 行過黃金市場,兜左幾個圈,再問下人 終於係7點前去到香料市場,我地為怕關門,急急行左去第一間舖 但間野開天殺價,鬼咁貴~ 於是我地就行左去第二間舖,個老闆係後生仔,好nice 一入去就見到西紅花,老闆二話不說拎左一束試比我地睇係真架~ 係呢個時候,我地開始信任佢...騙局終於都開始啦~ 老媽有一系列香料,小食乾果想買,問過價後,老媽話抵過香港 所以我地都無為意佢開高左價, 之後就執呢樣香料又果樣棗... 老闆仲好好,任我地試食,等我地以為好抵... 揀好晒野後,我地就計數啦.. 我+老公+友人女一齊睇住老闆計數..但當時大家都無為意佢計多左數 大家豐收而回,仲好開心行去河邊搭船過對岸,體驗下當地人的特色交通-水上的士 當我一個夜遊杜拜~~~~ 過到對岸後,仲有更多商舖行,我地基於八卦底下,入去睇下啦~ 見到我地之前買既椰棗,於是問下價,呢度收AED8/盒,但剛才間舖收我地AED25/盒 果一刻極度忿怒,老媽友仲買左8盒咁多....足足蝕左AED136(HKD286) 既然係咁米再買泥溝貨囉~ 大家都大豐收,我地都係時候搭車走啦~ 回程我地去返頭先去既Mall of emirates,重點要去家樂福買手信 點解抽咁多野都唔搭的士? 因為去程時我地買左1 day pass,所以焗住要搭地鐵 去到mall of emirates,好在商場內有超市車仔推,所以我地將所有野放晒落去 然後就去food court搵食~ 呢度food court同香港好唔同,多好多選擇,仲平靚正~ 醫飽肚我地就去家樂福掃貨~~ 買買下都夜晚12點幾,商場依然好多人,大家都喜歡夜晚出動呢~