終於唔洗晨咁早4,5點起身,可以訓到8點先起身~ 之後落去食酒店早餐,我地特登行去East tower的餐廳,果邊餐廳比West tower大 好多野食,連叻沙都有得食~正~ 點擊圖片放大 +5 餐廳旁有個大魚缸,除左無3條鯨鯊,基本上係可比美沖繩美~ 其實係係酒店圍住一個大魚缸而建,所以係east tower呢邊有房間可以睇住魚魚訓覺 好啦~我地出發去水上樂園~ 呢個係我地揀住呢度既原因,可以係酒店消磨日間大部分時間,黃昏先至再出動 點擊圖片放大 +2 搵到個位安頓後,我地就衝左落去開心河, 但兩位媽媽因為唔太識玩, 然後隨住河水漂左去另一條分叉路,當時我地以為之後會係另一度會合 點擊圖片放大 有電梯運你上去,完全唔洗郁架~ 點知一路上都見唔到佢地,於是我地漂完一圈後,再行左佢地當時行既分叉路 原來呢條分叉路係去另一條滑梯,我地就一路跟住去.... 但玩完一圈,都係搵唔到兩位媽媽... 當時我地3個好旁惶,諗緊好唔好叫咪,但兩位媽媽唔識英文bor~ 於是...我就留守係沙灘凳等佢地,然後老公佢地就再行一圈千里尋母 搵啊搵~~~終於都搵到佢地兩個啦~ 原來兩位去左玩好多轉滑梯同開心河,仲樂而忘返~ 安頓兩位媽媽,我地3個細既就出發去玩其他滑梯啦~ 呢個好高....我都唔夠膽玩 下面有條透明館穿過鯊魚缸 點擊圖片放大 天氣真係好熱,熱到個地下非常辣腳... 玩左幾條滑梯後,先發現原來所有滑梯最終都會送去開心河 開心河係拎泥分流... 我對美腿就係因為玩左幾轉開心河而變成黑豬腿 玩到差唔多啦~回房梳洗後都已經3點啦~ 我地又去左imperia club食tea~然後落去lobby等local tour接我地 嘩~好型啊~我地係坐呢架Human,原本我地係坐toyota四驅車 但因為今日太full啦~所以我地免費升級坐靚車~ 穿過左杜拜市中心,大約半個鐘後,我地去到酒站入油先~ 我個位岩岩好對正油錶...嘩~好抵啊~hkd 3/L 一支益力多價錢買到一公可樂的油......可唔可以比支我啊~? 之後我地就去左一個中途站,落車去洗手間,郁動下 等架四驅車放完呔氣後,就準備出發去沙漠~~~衝沙 好剌激緊張啊~司機都叩我地綁好安全帶~Gogogo~ 轉完一輪,係沙漠中間放我地落車,然後大家就影下相~ 點擊圖片放大 +2 然後繼續出發去沙漠中央既營地 package包我地可以免費騎駱駝同印度紋身 點擊圖片放大 可以自費玩小型四驅車~ 可以比錢同隻鷹影相 仲有沙樽手工藝,好靚啊~ 仲可以整自己個名落去,中文名都得~我都訂制兩個返香港~ 點擊圖片放大 +2 仲可以比錢去滑沙~ 大約7點,我地就開始晚飯啦~ 仲有表演睇tim~原本有肚皮舞,不過齋戒月關係,無得睇 飲飽食醉,係時候回程啦~